نورتي منتدانا المتواضع
ياريت تكوني ويانا علي الحق مجمعين


 
الرئيسيةبحـثالتسجيلدخول




شاطر | 
 

 يارب حد يفيدها

اذهب الى الأسفل 
كاتب الموضوعرسالة
وفاء لرابعه

وفاء لرابعه

عدد المساهمات : 262
تاريخ التسجيل : 08/02/2014

مُساهمةموضوع: يارب حد يفيدها   الجمعة 14 فبراير 2014 - 19:19

 أنا سيده متزوجة من 17 سنة وعندي ولدين أكبرهم 16 سنه وأصغرهم 12 سنة مشكلتي مع زوجي وهي مشكله تقريبا من أول يوم جواز وهو عصبي وبيتلكك علي أي حاجة أعملها وبيتريق علي لاأكل رغم إنه بيعجب الأولاد وبيتدخل في أي حاجة جوه البيت وبره البيت وفي تعاملاتي مع الآخرين وفي علاقتي مع الأولاد ولازم كلامه هو اللي يتنفذ سواء كان صح أو غلط أو نقدر نعمله أو.. لأ،  وبحس إن طبعه قاسي وجاف وخصوصًا لو أي حد عارضه في شئ وعلي فكرة علاقته بأهله برضه فيها مشاكل وعشان كده مش بيتدخلو في أي مشاكل تحصل بينا، ودايمًا يتدخل في لبس الأولاد وفي اختيارتهم وتحصل مشكلة بينهم ومش مقتنع إنهم كبروا ويريدوا أن يختاروا لبسهم بنفسهم وطريقه قص شعرهم وبيتجنوا يتكلمو معاه ويقولولي مش عايزين بابا يقعد معانا في البيت وعلي فكره الشقة بأسمي وهما حنينين عليا رغم إنهم لسه أطفال بس بحس إنهم حاسين بيا لدرجة إن الكبير مرة إداني مصروفه، وقالي عشان مش تطلبي حاجة من بابا، وعلي طول فيه فرق في تعاملاته مع الأولاد ودائمًا يزعق للكبير رغم إن الصغير بيكون هو اللي غلطان وبيتأخر بره البيت ولما أكلمه يقولي طالما بابا في البيت أرجع ليه وعلي فكره أنا مش ملاك برضه ولي أخطاء ولي حاجات تغيظ بس ده بيكون رد فعل لحاجات تحصل حاجه تانية إحنا كلنا ساكنين في عمارة واحدة مع أهلي ولو أي حد عايز مني أي حاجه من وجهة نظره عيب لما يطلبوا أو أنا أطلب منهم حاجة رغم إن دا عادي يعني إيه المشكله لما يطلبو مني شويه ملح مثلاً ويعمل مشكلة كبيرة معايا بسببهم، أنا بصراحة مش قادرة أتأقلم علي تفكيره وعلي اسلوبه ولما تحصل مشكلة يفضل يعيد حاجات حصلت من أول يوم جواز ويحاسبنا عليها ولو أي حد تدخل لايحترم رأيه ولايحترم أبوه ويقول أنا مش صغير عشان حد يوجهني..علي فكره هو كريم جدًا في بيته ولايتأخر عن أي طلب يطلبه الأولاد، ولو أهلي تدخلوا يفضل فتره كويس ويرجع زي الأول.. أنا حاسه إني مش هقدر استمر علي الوضع دا؛ لأن نفسيتي تعبت وصحتي في النازل ومش قادره أكون في مكان هو موجود فيه وقولتلو كده قالي أنا أخلص بمزاجي وأنا عارفه إنه بيقول كده، لأن مفيش مكان يقعد فيه غير هنا وخصوصا بعد مشاكلو مع أهلو
حاسه إنو مالوش كبير اشتكي لمين وكل من حواليه يقولولي لازم تستحملي عشان خاطر الأولاد بس أنا شايفه لو مفيش تفاهم واحترام بين الزوجين العيشه تبقي صعبه قوي يعني الواحد يتحمل شخص يكون متضايق منه لكن يتحمل شخص بيكره ده صعب ودي وجهه نظري أنا نفسي أبعد عنه شويه نفسي أسافر في أي مكان آخد منه هدنه يمكن أعصابي ترتاح وأفتح معاه صفحة جديدة لكن هو مش موافق ودا اللي خانقني منه أكتر.
أنا من كتر يأسي الدنيا اسودت في وشي أخدت أدويه وشرايط كتيره مرة واحده ولكن ربنا عاقبني ومحصليش أي حاجة
أفيدوني أرجوكم أفادكم الله.
الرجوع الى أعلى الصفحة اذهب الى الأسفل
امه الله تحيا برضاه

امه الله تحيا برضاه

عدد المساهمات : 65
تاريخ التسجيل : 09/02/2014
العمر : 33

مُساهمةموضوع: رد: يارب حد يفيدها   الإثنين 17 فبراير 2014 - 19:12

ربنا يصبرك يا حبيبتى بس لازم تتحملى عشان اولادك بس ده مش معناها انك تيجى على نفسك اوى انتى راعى ربنا فيه حضريله اكله وشربه وملابسه وكل شىء يخصه دون تعليق اكتر شىء يستفز الراجل ويخليه يفكر فى مراته ويحن لها ويحاول يرضيها هو انه يلاحظ انها مش تفعل كل شىء وتقضى طلباته بس فى صمتتتتتتتتتتتتتت تام يعنى الجواب على اد السؤال فقط    اهتمى بنفسك ثم اولادك والبيت وطبعا هو خليكى دايما وثقه فى نفسك اذا حاول يستفزك لاتردى الزمى الصمت افعلى ما قاله بابتسامه بسيطه لاتظهرى له ابدا انك متضايقه منه او من غيره اتكلمتى يبقى بثقه قعدت بثقه ولو ماشيه بثقه اجعلى الابتسامه على شفتيكى على طول لازم تقدرى نفسك اولا عشان غيرك يقدرها والله هيتغير باذن الله بس لا تنسى اذا الرجل لاحظ ان زوجته دائما صامته او متكتمه بعض الشىء يجن جنونه وقتها بيحس كانها لغز ويكون عنده الفضول ليكتشف حل اللغز ده ودى غريزه فى الرجل عمتا يعنى مش كلام وخلاص ده بناء على ابحاث اثبتت ذلك الكلام يحب يكتشف ايه سر صمتها افعلى الكلام ده وعن تجربه هيجيب نتيجه اكيد ربنا يهديلك الحال
الرجوع الى أعلى الصفحة اذهب الى الأسفل
روووح حبيبى



عدد المساهمات : 7
تاريخ التسجيل : 09/02/2014
العمر : 35

مُساهمةموضوع: رد: يارب حد يفيدها   الأربعاء 19 فبراير 2014 - 14:20

لااله الا الله
حبيبتى اتكلمى معاه في كل اللى حكيتهولنا ده وادعى ربنا بتفريج كربك دايما واستغفرى
حاولى تانى عشان خاطر ولادك كلنا مفيش حدج فينا كامل  وكلنا لنا اخطاء حاولى تانى بنية اصلاح البيت وباذن الله ربنا هيوفقك  هى حاجة من اتنين
عايزة تكملى مع الراجل ده ابو ولادك يبقى تتحملى لغاية ما تصلحى من شانه وتخليه  زى ما انتى عايزة
اما بقى لو لاقدر الله مش عايزة الرجل ده يبقى ملوش لازمة الاصلاح وملوش لازمة كلامنا
بلغينا بموقفك وانوى اصلاح بيتك وحاربى لغاية ما تخلى الرجل ده على مزاجك انتى دا لو انتى عيزاه
وفقك الله
الرجوع الى أعلى الصفحة اذهب الى الأسفل
 
يارب حد يفيدها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: فضفضة وتجارب :: شكاوى المحتارة-
انتقل الى: