اعتني بشعر بنتك وكمان شعرك وصفات.نصائح.بالشرح

معظم الاستفسارات اللي بتيجي حالياً شعر البنوتات الصغيرين
والام محتاره تعمل ايه ..!
الام عاوزه تخلي البنوته احلي بنوته وده حقها طبعا
والبنوته دلوقتي عاوزه شعرها ناعم وحلو زي صحبتها
وعاوزه قصه وشعر زي فيروز ابتسام جميل
بالتالي معظم الامهات للاسف بترتاح من المشكله دي
اما بتقنيات الفرد او سشوار وفير للبنوته علي طول
ارجوكم ياريت نوقف كــــــــــــــــــــــل دي
اولا الشعرايه بتاعتها هتفضل تتكون وتتشكل وتنمو وتختلف كتير اوي
لحـــــــــد سن البلوغ
بالتالي سيبي طبيعه ربنا تاخد مجراها وبلاش اي مأثرات خارجيه تندمي عليها فيما بعد
انا هكون معاكي في كل حاجه وصفات ونصائح حتي السشوار والفير هقولك تعمليه ليها امتي وازاي
طبعا مفيش اي مانع انك تستخدمي معاها الوصفات دي
اولا كعنايه بشعرك
ثانياً نوع من انواع التشجيع
محدش يجيب سيره فرد خالص الموضوع مخصص للعنايه بالطرق الطبيعيه والمستحضرات المناسبه للتصفيف
واتمني الاستفسارات تكون داخل سياق الموضوع
تابعوني

رقم 1 عناية يعني ..!

اعتني بشعر بنتك وكمان شعرك وصفات.نصائح.بالشرح اعتني بشعر بنتك وكمان شعرك وصفات.نصائح.بالشرح
يعني اهتمام بالتغذيه
تحتها مليون خط
خليكي دايما فاكره انك بتبني اساس
يعني بذمتك انتي ترضي تسكني في عماره اساسها ضعيف ؟؟
طيب ازاي هتخلي صحه اولادك الاساس اللي بتبنيه البذره اللي بتزرعيها
تكون ضعيفه وتستمر معاهم طول العمر من سوء تغذيه لنقص كالسيوم وحديد ومشاكل
بتستمر طول العمر والله
اعرفي ان مفيش اي حاجه هتجيب معاكي او مع البنوته نتيجه بدون تغذيه سليمه صحيه
مفيش بئه اصلها ملهاش في الخضروات اصل مش بتشرب لبن
لا اتصرفي ده دورك انتي ام الا لو انتي كده برضه بتدلعي يبقي نرجع للجده(السلطانه الام) تعلمك من اول وجديد انتي وهي  :happy: 
يعني اللبن مثلا ممكن لو مش بتشربه تعطيه ليها في العصير

دلوقتي مثلا في فراوله يبقي فراوله باللبن

الخضروات تكون شيئ اساسي ونوعي وشكلي فيها وطريقه تقديمها
هي والسلطه
تابعونى

رقم 2 عناية
خطوه غسيل الشعر
مش عارفه ليه كتير بيحولها لمشكله وبيعقد الطفل
اولا حاولي تسلكي الشعر قبل الشاور قسميه اجزاء وسلكيه براحه من تحت لفوق ارجوكي براحه ابتسامة
مش هتقدري وهايش وملعبك خالص مش مهم هقولك هتعملي ايه
بالنسبه لطريقه الغسيل
الاول اعرفي نوع الشامبو المناسب
لو البنوته لسه صغيره اوي يبقي شامبوهات الاطفال
زي شامبو دالين التركى للأطفال
لو بدأتي تستخدمي معاها اي كريمات وزيوت او وصفات
يبقي الشامبو المخصص للاطفال مش هينفع معاها
ركزي اوي فالجزئيه دي
شامبو الاطفال المخصص للبيبي لان البيبي مش بيعرق زي الكبار
مش بيستخدم مستحضرات عنايه من زيوت او وصفات زي الكبار
بالتالي مخصص ليه
لما الكبير بيغسل بيه الشعر مش بينضف بالتالي بتحسي بحكه في فروه الراس
ده لان الفروه مش نضيفه
شويه بتلاقي طبقه قشره
القشره دي لان فروه الراس مش قادره تتنفس وفيها بقايا اتساخات لم تنضف
شويه تلاقي الشعرايه بتغادر الفروه وتقع
لان مش واصل ليها امداد الدم بالتغذيه اللي من الجسم اللي محتجاها الفروه
كل ده انتي منعتيه وسببتي التساقط
بالتالي هتستخدمي النوع المناسب
بس تجيبي كوب او كوب مختبر بيكون لتر هو خليه دايما فالحمام علشان متكسليش
ليها استعمالين
الاول انك تخففي الشامبو تضيفي الشامبو تخففيه بالميه وتغسلي بيه الشعر
الثاني هيكون بعد الوصفات او من وقت للتاني ربع كوب خل تفاح مش خل عادي
وعليه لتر ميه وتشطفي بيه الشعر اخر شطفه بيلمع ويطري ويمنع القشره وله فوايد كتير جدا

كده خلصت خطوه الشامو

نيجي للبلسم او حمام الكريم
عادي جدا في ناس كتير بتخاف وتقول بيوقع الشعر
يا جماعه البلسم او حمام الكريم بيوقع الشعر في الحالات الاتيه

اما ان يكون نوع رديئ مليان كيماويات وعادي في شركات كبيره برضه احيانا بتضيف نسبه تنعيم وترطيب عاليه اوي
الشعر مش بيتسحمل
او ان تكوني بتقربيه اوي من فروه الراس وده غلط الطريقه الصح عالاطراف ومنتصف الشعر

او تكون اصلا انتي في مرحله من مراحل نمو الشعر اللي هي الشعرايه الجديده بتدفع القديمه للنمو مكانها
فهي كده كده كانت هتقع اصلا ومتقلقيش

او بتتركيه وقت زياده ومش كل الانواع مخصصه لكده في انواع معينه زي الماسك
بتكون مهيئه مثلا لوقت معين من ربع ساعه لساعه وبتتعرض للبخار
وبتكون غاليه ومش كل الانواع كده

وقت البلسم او حمام الكريم بالكتير 10 دقايق وتشطفيه
اقسم بالله بقابل ناس بتسيبه ساعه وتدخل تشطفه
او بتدلك بيه فروه الراس جامد

في حجات كتير بنعملها غلط لازم نعرفها

حكايه بئه لو الشعر ملعبك الي قلتلك مش مهم سيبيه
هتسلكيه والشعر عليه حمام الكريم
وزي ما وضحت مش هيقع الا فالحلات اللي فاتت
متحسسونيش ان الشعر لاصق بماده لاصقه وهيطلع في اي لحظه باضحك
ومتنسيش عالاطراف والمنتصف التوزيع والتسريح من تحت لفوق

خلاص خلص الشاور بأمان الحمد لله وسلكتي الشعر وكل حاجه
ارفعيه فوق بتوكه مشبك
وخلاص
هيا بنا الي خطوه تسريح الشعر
ياريت بس التركيز والتنفيذ وان شاء الله النتائج هتشجعك
تابعونى

رقم 3 عناية تسريح الشعر
انتي دلوقتي خلصتي الشاور للبنوته
وشعرها متسلك وتمام ومرفوع بتوكه مشبك مثلا
براحه هتنشفي الشعر كويس وبدون جذب او شد
الفرشاه دي حلوه اوي فالتسريح وشعر الفرشه نفسه يكون مناسب
ولا ناعم اوي كده هتكون بتاعه البيبي ولا خشن اوي يجرح فروه الراس
خليها تكون متوسطه شعر الفرشاه بين ناعم وسميك علشان في منها انواع طبعا

ممكن تدهني ايه للبنوته ؟
بالنسبه للزيوت
مش بنصح بيها للاطفال
بس اخف زيت ليهم هو زيت جوز الهند لطيف جدا على الشعر

سرحي بئه عادي والفرشاه هتساعدك في ترتيب شكل الشعر
تابعونى

عصير الجرجير
الوصفه دي خاصه للتساقط وللفراغات انبان شعر جديد تطويل الشعر جدااا

هتجيبي الجرجير تقصي العيدان مش محتاجاها
تغسلي الجرجير كويس جدا بنصف ليمون ومعلقه خل
وبعدين تضربيه فالخلاط
ملحوظه بلاش تخففيه بميه
لو احتاج تخفيف خففيه بالبانثينول افيد من الميه
وبعدين هتجيبي شاش طبي عريض تقصي جزء تضيفيه عالمصفاه
وتصفي الجرجير
طلع معايا الشويه دول
هتضيفيهم في عبوه بخاخ
وتقسمي شعر البنوته
وكم بخه كل جزء وتعملي مساج خفيف فالفروه
ساعه ولا اتنين واغسليه عادي ومتنسيش اخر شطفه بخل التفاح
الكميه لو كفت معاكي مره اوكي
باقي منها يبقي في العبوه البخاخ في التلاجه
ورجيها كويس قبل الاستخدام
الوصفه مناسبه اوي ليكي او للبنوته ولو مره فالاسبوع
ولو واحده مش متجوزه لسه ومش بتروح شغل
لو داومت عالوصفه دي الصبح وبليل
شعرها هيبقي خيالي
تابعونى

جزاكى الله خيرا
ممتااااااااااااااااااز

وصفه خلاصه الصبـــــــــــــــــار
الوصفه دي برضه للتساقط وانبات شعر ولمكافحه القشره
وكمان بتطول الشعر وتكثفه جدا
هتجيبي الصبار تغسليه كويس
وتقطعي بالسكين الاطراف اللي فيها الشوك
وتقسمي الصباره اتنين وتخرجي منها الماده الزلاليه
وبعدين تضربيه فالخلاط
وتضيفي عليه نصف ليمونه للحفظ
نفس الوصفه اللي فاتت بالظيط تقسمي الشعر
وتوزعي بالبخاخ وتدلكي فروه الراس وبونيه ساعه ولا اتنين واغسليه
وبعده الشطف بخل التفاح برضه
طريقه الحفظ في التلاجه برضه ولو خايفه يبوظ
الحفظ في حافظه التلج في الفريزر وكل متحتاجي خدي كم مكعب
تابعونى

*البتولة* كتب:

جزاكى الله خيرا
ممتااااااااااااااااااز

ربنا يخليكى ياقمر جزانا واياكى يارررررررررررررررررب