تجربتى مع الحل النهائى للقشره مع ريماس وبس

السلام عليكم ورحمة الله وبركاتة
النتيجه 95% انتهى من القشره بأذن الله دا طبعا غير احساس ان شعرك فريش و ناعم و سواد الشعر بيزيد

وبيلمع كمان و تحسى كدا ان شعرك طاير

الخل للتخلص النهائى من القشره

المكونات :-

خل ابيض ( الخل بتاع البيت )

ماء

طبق زجاجى عميق

كوبايه

ايشارب قطن

كاب بلاستيك ( لو مش موجود فى كيس بلاستيك بيقوم بالواحب )


الطريقه

هنجيب الكوبايه و نملى التلت خل و بعدين نكمل الباقى مياه و بعدين نحطهم فى الطبق

ندخل زى الشاطرين على الحمام ومعانا كل الحاجات دى وقدام المرايه كدا و نبدا نحط من المحلول اللى عملناه دا على شعرنا وهنا

هنحط على الشعر ازاى عارفين لما بنستخدم الزيت او الكريم و ندهن بيه الشعر هنعمل نفس الطريقه هناخد بادينا وعلى شعرنا و شعرنا مفرود على وراه و طبعا يكون فى فوطه على ضهرك و تحطى كل الخليط لحد ما تخلصى الكميه و تحطى الكاب البلاستيك على شعرك وبعدين نلف الايشارب عليه


المده ...
اقل اقل حاجه ساااااعتين


خلصنا خلاص اغسلى شعرك بئا باى شامبو مرطب و نشفت شعرى وبعدها لما نشف خااااااالص هتشتخدمى حاجه من الاتنين اما كريم مرطب او زيت سمسم لان الموضوع بعده محتاج ترطيب عااااااااااااااااااالى جدا
تابعونى

ازاى نحافظ على عدم وجود القشره فى الشعر .....

طبعا مش بعد كل دا اروح استخدم مشط ماما ولا اختى ولا فوطة حد غيرى لا نهائى انتى هتاخدى مشطك و الفوطه بتاعتك و كيس المخده و تحطى كل دول فى مياه وخل يوم كامل وبعدين تشطفيهم بمياه بسسسسس وتحطيهم فى الشمس ومش هتلاقى فيهم اى اثار للقشره
كذلك الايشاربات و البندنات وكمان كل توك الشعر بتاعتك كل دا فى خل عشان تقضى على القشره تماما ....

فى أمان الله حبيباتى