السلام عليكم ورحمة الله
من اول ما بنتك توصل 3 سنين علميها النظام
يعنى ترتب لعبها خلى لعبها فى سله او حتى كيس تلم لعبها بعد ما تخلص لعب
وتحطه فى مكان مخصص له وعلميها تطوى ملابسها وتحطها فى مكانها
ولما تيجى تطوى الغسيل مثلا اديها ملابسها وخليها تطويها وعلميها
مره واتنين متزهقيش ولما تطويها صفقى لها
لماتيجى تفصصى البسله مثلا خليها تفصص معاكى
وقولى لباباها هى عملت كذا عشان يشجعها
لما توصل 5 سنين اديها فوطه وخليها تلمع الموبيليا على قدها يعنى
بنتى وهى عندها 5 سنين كانت بتشيل كل الحاجات اللى على التسريحه
وتلمع الزجاج وترص البرفيوم والمكياجات بطريقه منظمه وجميله
جرئيها تدخل المطبخ تغسل اطباق كوبايات تغسل البوتجاز كده
تقشر بطاطس تغسل الرز ومتقوليش لسه صغيره
وطبعا اهم حاجه التشجيع ولما تغلط او تكسر حاجه متعنفيهاش
قولى لها معلش المره الجايه خدى بالك عشان متخافش من المطبخ
طبعا مش معنى كلامى انك هتعرضيها للخطر انتى تديها حاجات امنه
حتى لو اتكسرت متئزيهاش عشان تنفع نفسها لما تكبر
التعليم فى الصغر كالنقش على الحجر
موضوع: علمى بنتك الحاجات دى 
الأحد 9 فبراير 2014 - 3:45
