نورتي منتدانا المتواضع
ياريت تكوني ويانا علي الحق مجمعين
نورتي منتدانا المتواضع
ياريت تكوني ويانا علي الحق مجمعين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول




 

 عاوزه شعرك يتقل تاني ويبطل تساقط طيب تعالى معايا

اذهب الى الأسفل 
5 مشترك
كاتب الموضوعرسالة
ريماس ساجدة

ريماس ساجدة


عدد المساهمات : 247
تاريخ التسجيل : 08/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالأحد 9 فبراير 2014 - 18:14

السلام عليكم ورحمة الله

اكيد معظمنا ان مكانش كلنا بنشتكي ان شعرنا باظ وبيقع وبيتقصف ومتبهدل وطالع عينه .بصي الاخر يا ستي انتي وهي باذن الله هديكي 11 خطوه تمشي عليهماعملي الخطوات دي كلها مع بعض وان شاء الله شعرك يتقل ويطول ويبقى زي الفل باذن الله

المهم تستمري على الاقل تلات شهور ..

اشمعنى تلات شهور؟

لان الشعرايه مش بتبتدي تتأثر باي حاجه قبل على الاقل تلات شهور علشان دوره تجديد الشعر ...

وبعدين مش فتره طويله على فكره ما شعرنا مبهدلينه ومطلعين عين اهله بقالنا سنين ..

يبقى نصبر على الاقل تلات شهور وياريت يبقى اكتر كمان ويبقى ده اسلوب تعاملنا مع شعرنا ..

الخطوات كالتالي (مهم تعمليها كلها مع بعض ولو مقدرتيش يبقى معظمهااااا )

الخطوه الاولى

اتأكدي ان مفيش عندك انيميا لو في عالجيها الاول لانه عمره ما هيتقل لو عملتي ايه وفي انيميا.. وكمان مهم اوي الحاله النفسيه تبقى كويسه لان التعب النفسي بيوقع الشعر بهبل وعن تجربه .. طبعا بيبقى غصب عننا .. لكن اهو نحاول .. وربنا يعينا

الخطوة التانية

ارمي فرش الشعر اوعي تستخدميها خااااالص الفرش بكلام الدكاتره بتقطع الشعر وهي بتسرحه
وبلاش الامشاط البلاستيك
هاتي مشط خشب حلو كده سنانه واسعه
واستعمليه وبلاش ابو ايد ده استعماله صعب هاتي المشط العادي واسنانه تكون معقوله لا واسعه اوي ولا ضيقه اوي .. وفي انواع بتبقى مقسومه نصين نص واسع ونص ضيق هاتي ده لو عاوزه
هتقولي بيقطعلي شعري يبقى نوعه وحش خشبه خشن
هاتي نوع الخشب بتاعه ناعم بيبقى كأنه مطلي كده علشان ميمسكش الشعر ويقطعه
هتقولي مش بعرف استعمله هقولك اتعودي .. بجد والله يابنات بيفرق

الخطوه التالته

هاتي من الصيدليه حاجه اسمها لوسيون الو بانثين
ده لوسيون للشعر ترجيه كويس وبعدين تبلي صوابعك منه كل يوم قبل النوم وتدلكي فروه راسك
ولو عندك بخاخه تحطيه فيها يبقى افضل اهم حاجه ترجيه كويس قبل الاستخدام وترشيه في فروه راسك وتدلكي بالراحه الله يكرمك دلكي كويس خمس دقايق كده كل ليله قبل النوم وبعدين سرحي شعرك وشوفي اذا كنتي بتلفيه او بتعملي فيه ايه اهم حاجه ميكونش مشدود وبلاش تغطيه بحاجه خليه متهوي عادي
هو من اي صيدليه سعره حوالي 9 جنيه
وبيكفي كتييييير بتاع اربع خمس شهور يعني متستنيش نتيجه قبل ما تخلصي العبوه كلها

الخطوه الرابعه

لاااازم تحطي تحت الطرحه بندانه قطن لااااااااازم

الخطوه الخامسه

اول ما تروحي البيت فكي شعرك وسيبيه يتنفس بلاش تربطيه او تعمليه كحكه والحاجات الغريبه اللي بنعملها
فكيه وهويه ولو بتدايقي منه وهو مفكوك اعمليه ضفيره مهويه كده بلاش تشديه المهم يبقى مفكوك ومتهوي على اد ما تقدري

الخطوه السادسه

وانتي في البيت كل يوم افرقي شعرك من ادام فرق مختلف
يعني يوم هاتيه من قدام على جنب ويوم الناحيه التانيه يوم على ورا يوم على ادام كده يعني علشان لما بنعمله على طريقه واحده كل يوم الشعر بيتنحل ويبقى خشن اوي نتيجه احتكاكه بالطرحه او بالمخده او او ..
والدليل على كده ان شعرك من تحت من عند رقبتك لو قلبتيه هتلقيه ناعم اوي انعم من ادام .. لو لقيتي الحركه دي اعرفي انك بهدلتي شعرك من ادام اوي ..


الخطوة السابعه ودى بقى مهمة أوووووووووووى


لما تيجي تغسلي شعرك
أستعملى شامبو أطفال زى شامبو دالين التركى


الخطوة الثامنة

نوقف السشوار والمكواه والفرد والصبغه والحنه والحاجات دى كلها وقفيها حتى فترة العلاج

الخطوة التاسعه ودي مهمه اوي بردو


انك يوميا تاخدي معلقة زيت زيتون على الاكل بتاعك
حطيه بقى على سلطه ابلعيه كده انتي حره المهم انه يتاخد على البارد يعني ميتسخنش ولا يتحط مع اكل سخن
ممكن تقولي طيب ما احطه على شعري علطول
هقولك علميا فوايد اي حاجه لما بتحط على الشعر او البشره بتوصلنا منها فقط 11% من فايدتها لما بتتاكل
طيب ما ابلعها احسن .. وكمان اخذ ملعقة زيت زيتون ع البارد يوميا يحسن الشعر جدااااااا ويعطيه ليونه ولمعه طبيعيه

الخطوة العاشرة

خدي فص ثوم متقطع قطع صغيره وتبلعيه زي حبوب الدوا كده يبقى ممتاااااز
لو بتحبي الثوم متقطع على السلطه يبقى بردو كويس
المهم انه بردو ميطبخش ولا يتقطع قبل اكله بفتره طويله
ايه فايده الثوم
بيتقل الشعر بدل ما تحطيه على فروه الراس ويعمل ريحه وحشه ويعمل التهاب في فروه الراس ومش بنستفيد منه الا 11 % يبقى ابلعيه احسن
طبعا غير انه مضاد حيوي قوي جدا ومفيد لازاله حبوب الوجه .. وليه فوايد بالهبل مش وقتها دلوقتي تقدري تعملي عنها سيرش وهتزبهلي لما تقريها ...
المهم حاولي ومتقلقيش مش هتحسي بطعمه ولا هيبقاله اي ريحه لو قطعتيه واخدتيه بشويه ميه كأنه دوا


الخطوه الحاديه عشره

ودي بقى اهم اهم اهم خطوه

اشربي ميه بالهبل
ميه كتيييييييير جدا
تشربي ميه .. مش اقل من لترين ميه في اليوم ..!!
ليه بقى .. الشعرايه زي الزرع .. لما مبتشربش ميه من جذورها بتنشف والبصيله تموت وتقع .. والاطراف تتقصف وتهيييييييش .. يبقى نشرب ميه كتيييييير




يبقى نلخص الخطوات بقى اللي هي ايه

1- نعالج الانيميا
2- نرمي الفرش والامشاط البلاستيك ونجيب مشط خشب
3- نجيب الو بانثين لوسيون وندلك بيه فروه الراس كل يوم قبل النوم
4- بندانه قطن تحت الطرحه
5- نهوي الشعر طول ما احنا في البيت
6- نغير الفرق من ادام بتاع الشعر كل يوم فرق ناحيه مختلفه
7- الشامبو نستعمل شامبو الأطفال
8- نوقف السشوار والمكواه والفرد والصبغه والحنه
9- معلقة زيت زيتون كل يوم ع البارد
10 - فص ثوم مقطع نبلعه كأنه حبه دوا
11- نشرب مالا يقل عن لترين ميه يعني من 8 - 10 كوبايات ميه في اليوم
مهم جدا تستعملي حمام كريم يرطب شعرك ويغذيه..

فى أمان الله حبيباتى















الرجوع الى أعلى الصفحة اذهب الى الأسفل
بنت ميدان رابعة

بنت ميدان رابعة


عدد المساهمات : 22
تاريخ التسجيل : 09/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالأحد 9 فبراير 2014 - 19:29

ممتــــــــــــــاااااازة ياقمــراية ونصااايحــك رووووعـــة  :Adore:
الرجوع الى أعلى الصفحة اذهب الى الأسفل
ريماس ساجدة

ريماس ساجدة


عدد المساهمات : 247
تاريخ التسجيل : 08/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالأحد 9 فبراير 2014 - 19:31

بنت ميدان رابعة كتب:
ممتــــــــــــــاااااازة ياقمــراية ونصااايحــك رووووعـــة  :Adore:
ربنا يخليكى ياقمر نورتينى
الرجوع الى أعلى الصفحة اذهب الى الأسفل
وفاء لرابعه

وفاء لرابعه


عدد المساهمات : 262
تاريخ التسجيل : 08/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالأحد 9 فبراير 2014 - 23:42

جزاكى الله خيرا
ممتاز
الرجوع الى أعلى الصفحة اذهب الى الأسفل
miss rahma




عدد المساهمات : 3
تاريخ التسجيل : 09/02/2014
العمر : 32

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالإثنين 10 فبراير 2014 - 1:12

جزاكى الله خيرا
ممتاز
الرجوع الى أعلى الصفحة اذهب الى الأسفل
miss rahma




عدد المساهمات : 3
تاريخ التسجيل : 09/02/2014
العمر : 32

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالإثنين 10 فبراير 2014 - 1:13

جزاكى الله خيرا
ممتاز
الرجوع الى أعلى الصفحة اذهب الى الأسفل
ريماس ساجدة

ريماس ساجدة


عدد المساهمات : 247
تاريخ التسجيل : 08/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالإثنين 10 فبراير 2014 - 4:02

miss rahma كتب:
جزاكى الله خيرا
ممتاز

ربنا يخليكو بأحلى بنات
الرجوع الى أعلى الصفحة اذهب الى الأسفل
منمن الديسطى

منمن الديسطى


عدد المساهمات : 72
تاريخ التسجيل : 08/02/2014
العمر : 45

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالإثنين 10 فبراير 2014 - 14:48

موضوع ممتاز بارك الله فيكى يا قمر
الرجوع الى أعلى الصفحة اذهب الى الأسفل
ريماس ساجدة

ريماس ساجدة


عدد المساهمات : 247
تاريخ التسجيل : 08/02/2014

عاوزه شعرك يتقل تاني ويبطل تساقط طيب تعالى معايا Empty
مُساهمةموضوع: رد: عاوزه شعرك يتقل تاني ويبطل تساقط طيب تعالى معايا   عاوزه شعرك يتقل تاني ويبطل تساقط طيب تعالى معايا Icon_minitimeالثلاثاء 11 فبراير 2014 - 22:40

منمن الديسطى كتب:
موضوع ممتاز بارك الله فيكى يا قمر
ربنا يخليكى نورتينى ياسكر
الرجوع الى أعلى الصفحة اذهب الى الأسفل
 
عاوزه شعرك يتقل تاني ويبطل تساقط طيب تعالى معايا
الرجوع الى أعلى الصفحة 
صفحة 1 من اصل 1
 مواضيع مماثلة
-
» اعتني بشعر بنتك وكمان شعرك وصفات.نصائح.بالشرح
» مين فيكم تتابع معايا ونعمل جروب رجيم
» بالفيديو: كيف تصبغين شعرك بالمنزل
» جمـــال الخــرز تعالى وشوفى
» شات معندكيش اصحاب **** تعالى نتصاحب الجزء الأول

صلاحيات هذا المنتدى:لاتستطيع الرد على المواضيع في هذا المنتدى
 :: أقسام الأناقة و الجمال :: العناية بالشعر-
انتقل الى: