مخطوبة ؟ مقبلة عالزواج؟ آنسة؟ طب نفسك بيتك يكون مسلم بجد ... تعالى معايا مش هتندمى

السلام عليكم ورحمه الله وبركاته

احلى تحيه لاحلى بنات واحلى صحبه صالحه فى الدنيا
ربنا يسعدكم ويسعد قلوبكم ويجعلنى سبب فى انكم تستفادوا منى زى مانا دايما بستفاد منكم

المطلوب معرفته قبل الزواج:
1-المعرفه بالاحكام الشرعيه والضوابط الشرعيه للزواج
2-معرفه تجارب الاخرين والاستفاده من خبراتهم فى الحياه الزوجيه

أهمية الزواج:
*{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
*}وَاللَّهُ جَعَلَ لَكُمْ مِنْ أَنفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنَ الطَّيِّبَاتِ أَفَبِالْبَاطِلِ يُؤْمِنُونَ وَبِنِعْمَةِ اللَّهِ هُمْ يَكْفُرُونَ{. [النحل:72]
*قال صلى اللهُ عليه وآله وسَلَّم: « يَا مَعْشَرَ الشَّبَابِ، مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ»
إذن يبقى الهدف :اولا امر من الله عزوجل وسنه عن النبى وهو مصدر السكن والرحمه والموده والهدوء والاستقرار النفسى وتحصين للفرج واغض للبصر وسبيل العفه

طرق الاختيار ووسائلة:
1-الوسط المحيط (الاقارب-الدراسه-العمل-شبكة الاتصالات)
2-الأصدقاء
3-الخاطبة

سؤال مهم:أيهما الاول الحب أم الأختيار؟؟ وطبعا لازم يكون الاختيار الاول قبل الحب لانى لو حبيت الشخص قبل ماحكم عقلى ووقتها مشاعرى ناحيته هتتحكم فى قرارى لو لقيت حاجه فيه مرفوضه او خلق مرفوض يبقى مينفعش احب حد واسيب نفسى لازم اختار صح الاول واحطه تحت كذا اختبار ووقتها بقى ينفع انى أحبه .

شروط ومعايير الاختيار:
الجمال-الخُلق-الدين-الحالة الاجتماعية وتشمل المستوى المادى والثقافى والتعليمى والاجتماعى والكلام ده على الشباب والبنات مع مراعاه الوسطيه فى كل شئ عدا التدين لااااااازم يكون صاحب دين قلبا وقالبا لانه هو العاصم الوحيد من الوقوع فى الظلم من كل الطرفين وكمان الارتفاع فى الشروط والمعايير يؤدى الانسان الى الاحباط.
واتاكدى ان الانسان اللى بيتقى ربنا فى كل تصرفاته وافعاله وبيراعى حقوق الله والناس اكيييد هيتقى ربنا فيكى وهيراعيكى ويحطك فى عنيه وعمر ماكان الدين صلاه وصوم لا هو عبادات اه بس معاملات كمان وحطى تحتها مليووووووون خط
تابعونى

الكفاءة الشرعية:
1-الديانه (يعنى تقارب نسبه التدين بينهم ميكونش حد فى الشرق وحد فى الغرب)
2-العلم (تقارب الدرجه العلمية والمستوى العلمى يعنى مينفعش حد متعلم مع حد غير متعلم
لان ده هيسبب فجوه كبيره بينهم)
3-اليسار (وهو التيسير والتقارب من الناحية المادية)
4-النسب (وهو تقارب مستوى العائلتين)

كيفية التعرف واستكشاف الطباع:
1-السؤال عنها (عنه) ممكن يعرفها (يعرفه)
2-السؤال مباشره بالضوابط الشرعية مع المصداقيه
3-الحذر من الخطبة على الخطبة
4-الرؤيه الشرعية وضوابطها
5-صلاه الاستخاره


استكشاف الطباع يكون من خلال :
1-معرفه تاريخ الاسره
2-تتبع اخبارهم
3-الزيارات والحوارت والنقاشات هتكشف جوانب الشخصيه
4-التأمل فى المواقف وتحليل الاحداث
5-تحديد الطباع التى لايمكن تجاوزها فى الخاطب او المخطوبه (مثل :البخل-الكذب-الغرور-النكد-العند-سلاطه اللسان والعجرفه-نقص تدين .... وهكذا من صفات لايمكن تجاهلها)


ضوابط الخطبة:
1-المخطوبه احنبيه ولازم نتعامل معها على هذا الاساس حتى نتجنب الوقوع فى ماسمى بالتجاوزات المجلبه لكل ما هو سئ قبل وبعد الزواج.
2-ضوابط الكلام من خلال تجنب الكلام الفاحش البذئ والخادش للحياء
3-ضوابط الزى الشرعى للفتاه حتى لاتثير غرائزه مما يوقعهما فى الخطأ
4-عدم الخـــلـــــوة
5-ضوابط الزياره فلابد ان تكون بموعد محدد يناسب كل اهل البيت ولازم يكون منتظم وليس عشوائى.


"واخيرالابد من معرفه ان الخطبة ما هى الا وعد بالزواج وفتره تعارف بين الطرفين ومرحله تبين
لطباع كل طرف على حدا مع العلم ان الحقيقه لايمكن ان تظهر كامله
ولكن من المؤكد سيظهر بعضها وهذا الذى سيدفعنى لاكمل طريقى مع الطرف الاخر او اتركه ...
وهى فتره اختبار لكل منهما مع مراعاه الالتزام بكافه الضوابط الشرعيه حتى لاتنزع البركة من حياتنا
ونستطيع ان نبنى بالفعل البيت المسلم"



بحبكم فى الله اووووى وبتمنى تكونوا استفدتم ولو الموضوع عجبكوا وياااااااااااارب ان شاء الله يرزقنا جميعا بازواج صالحين عاجلا ليس باجلا ونكون حق خير امه بين الامم ونكون سيدات قائدات فى المجتمع المسلم وتكون بيوتنا كلها اسلاميه وتخرج اطفال للمجتمع ينفعوا امه الحبيب ..صلى الله علية وسلم

أرجو أنكم تستفادوا بالموضوع

وفاء لرابعه كتب:

ممتااااااز حبيبتى
تسلم ايديك

ربنا يخليكى يافوفو ياقمر نورتى الموضوع كله