اتعلمي تبقي ازاي شخصيه جذااابه ومؤثرة

السلام عليكم ورحمة الله

طبعاً كل واحدة فينا عايزه تعرف ازاي تبقي شخصيه جذابه ومؤثره
والحقيقه دة مش صعب خاااالص

خطوات بسيطه جدااااا هاتخليكي ملكه


الخطوة رقم ( 1 )


* لازم ملامح وشك ماتتأثرش بأي انفعالات .. وحافظي دايماً تكون ملامح وشك هاديه ومطمنه .. علشان دة بيحسس أي حد قدامك انك واثقه في نفسك جدا

الخطوه رقم ( 2 )

* لما تدخلي اي مكان .. لازم تبصي للناس اللي فيه بنظره هاديه وفي نفس الوقت مسيطرة .. وحافظي دايماً انك تبقي مبتسمه حتي لوكنتي حزينه من جواكي بس افتكري دايماً ان " تبسمك في وجة اخيك صدقه "

الخطوه رقم ( 3 )


* علمي نفسك ازاي تبقي متزنه وانتي بتتكلمي .. وماتتكلميش بسخافه .. لأن اول انطباع عنك عند الناس هايبقي من كلامك وتصرفاتك
والضحك ـ لازم يبقي في حدود لضحكتك .. ومش اي حاجه تضحكي عليها .. يعني مش تيجي علي كلمه هايفه وتضحكي .. لكل موقف ضحكته

الخطوه رقم ( 4 )

* اتكلمي بقوه ـ وايجابيه ـ وماتتسرعيش في كلامك وكوني واثقه جداااً في اي كلمه بتنطقيها ـ لأنها بتحسب عليكي ـ

الخطوه رقم ( 5 )

* لو حد وجهلك كلام فيه بعض من السخريه .. حافظي علي هدؤك تماما .. مع بقاء ملامح وشك عاديه خالص بردو ولا كأن حاجه حصلت .. كدا هاتحسسي اللي حرجك انو ولا حااااااجه

الخطوه رقم ( 6 )

* عارضي الهجمات اللي بتتوجهلك من اي حد بأدب ـ الهجمات يعني التلقيح بلغتنا العامه ـ

الخطوه رقم ( 7 )

* فكري كتير .. واتكلمي قليل .. وكلامك يبقي في محله مش كلام ،، حالو ياحالو ههههههه ،،


الخطوه رقم ( 8 )

* لو قابلتي شخص معين لأول مره .. بصي في عنيه كأنك عارفاه من زمان .. هاتطمنيه اوي وهايعرف ان شخصيتك قويه

الخطوه رقم ( 8 )

* لازم تبصي لهدفك دايماً .. انا عايشه ليه .. وبتسفيد ايه من حياتي .. وايه اللي انا عايشه عشان احققه
وايه اللي بفيد غيري بيه .. ولازم يبقي قصاد عينك هدفك علشان توصليله وتحققيه

الخطوه رقم ( 9 )

* احتفظــــــي بـأسرارك لنفسك
وبلاش حد يبقي عارف سرك .. محدش المفروض يبقي عارف اسرارك غير ربنا بس .. وبلاش بالله عليكى حكايه صحبتي دي وصحبتي دي .. اول حد بيعرف سرك هوا اول حد بينشرة .. بلاش بقي تعرضي نفسك للإحراج وتأيب النفس دة

الخطوه رقم ( 10 )

* لازم تدركي وتعرفي ايه اللي بيتجووول جوه قلوب الناس علشان دة بيخليكي تقدري توصلي لقلوبهم كويس اوي


الخطوه رقم ( 11 )

* اسمعي لكلام الناس كويس اوي .. واقبلي النصيحه من اي حد

اخر خطوه

استعيني بالله في كل امور حياتك .. وماتتردديش في اي حاجه ليها تأثير علي حياتك مستقبلاً وافهمي الناس كويس واحكمي علي الناس صح تكسبي قلبهم
وقربي من ربنا الناس تقرب منك
فى أمان الله

ما شاء الله عليكى كلامك جميل اوى يا قمر بس اليومين دول صعب تعرفى الحلو من الوحش لان حتى اللى عامل انه كويس قدامك بعدين بتكتشفى انه مش بوشى لالالالابالف وش بيتلون على كل لون تبع اللى قدامه    لا اله الا الله

امه الله تحيا برضاه كتب:

ما شاء الله عليكى كلامك جميل اوى يا قمر بس اليومين دول صعب تعرفى الحلو من الوحش لان حتى اللى عامل انه كويس قدامك بعدين بتكتشفى انه مش بوشى لالالالابالف وش بيتلون على كل لون تبع اللى قدامه    لا اله الا الله

عندك حق واللهى ياحبيبتى بس أكيد فى كويسين لأن صوابعك مش زى بعضيها فى الحلو والوحش بيبان فى أصعب المواقف بتبان المعادن أكيد نورتينى ياسكر