محتاجه خبرتكو

سلام عليكم انا حابة استفيد من خبرتكم و ارسل مشكلتى من غير اسم
انا اخت الوسطى24 بين اخت اكبر منى 26 سنة و اخ صغير 15 سنة احنا حالتنا المادية مستورة عايشين على ادنا يعنى انا و اختى متعلمين و مخلصين جامعات و على قدر من الثقافة و الجمال و بشتغل الحمد لله مشكلتنا مش بيجلنا عرسان خالص مرة و احد جه بس لأختى و شافها و اعد معاها فى البيت و رد لا مفيش نصيب كل زميلاتنا الى اتخطبت و الى اتكتب كتابها و الى اتجوزت و احنا مفيش اى حاجة خالص انا مش مسروعة على الجواز بس دا مش طبيعى حتى الى يجى يمشى كدا و جه واحد زميلى مهندس زى اتقدم بس هو شقتو فى بيت اهلو فى مكان متواضع هو مهندس زى و شاطر جدا و دخلو كويس بس اول ما مامتو جت عندنا بدأت تلمح ان انا و اختى قاعدين و كلام بقى. دا انا ولادى الصبيان الناس بتيجى تخطبهم و تلميح و طول ما هى قاعدة تشكر فيهم احنا ناس دوغرى منحبش اللوع و احنا احنا شكلها ست مش سهلة و هو اول حاجة قالها لى امى فوق راسى و لا يمكن ازعلها و كدا .و بعد متفقوا على العفش رجع قالى احنا هنجيب حاجات كتير و انتو مش هتجيبوا حاجة قولتلو مقولتش ساعتها ليه لو مش راضى قالى بس انا قولت يلا عشانك و كل شوية يكرر دا و مامتو قالتو كمان ليا احنا قولنا التقيل علينا و الخفيف عليكو .المهم امى مش عايزة تكمل الجوازه و بتقول شكلهم ناس صاعبين انا عايزة اكمل عشان تنفك عقدتنا و يمكن اختى كمان تتجوز انا عملت استخارة كتير و مش عارفة اعمل ايه اضغط على امى نكمل اهو لسه فى شبكا و نخد وقت نفكلر و لا ننهى الموضوع من على باب نسيت اقولكو انو قالى لازم تسيبى الشغل عشان بيخلص ساعة 4 و الماجيستير بعد الجواز و انو غيور و ميحبنيش خارجة داخلة كدا .ارجو النصيحة